Forma Serlêdana Şêwirmendîya Psîkolojîk a Bêheq/bêpere ji bo LGBTÎ+yên Penaber
Serlêdanên qonaxa duyemîn a ji bo "Şêwirmendiya psîkolojîk a ferdî-bêheq" yên ji bo LGBTÎ+yên Penaber hatin vekirin!
LGBTÎ+ yên penaber xebatên xwe didomînin. Armanca me ew e ku di çarçoveya projeya xwe ya bi navê “Şêwirmendîya Psîkolojîk ji bo Penaberên LGBTÎ+ yên ku li Tirkiyeyê dijîn” heta Kanûna 2024an, em hewl didin ku ji bo pêşvebirina jêhatîbûnên çareserkirina pirsgirêkan bi awayekî demkurt piştgirîya derûnî bidin.
Kî dikarin serî lê bidin?
- Kesên ku ji ber statûya xwe ya penaberîyê nikarin xwe bigihînin xizmetên tenduristîya derûnî
- Kesên ku zimanê wan ê zikmakî ne tirkî ye û dixwazin bi zimanê xwe yê zikmakî xwe bigihînin xizmetên tenduristîya derûnî
- Kesên ku ji ber pirsgirêkên xwe yên aborî nikarin xwe bigihînin xizmetên tenduristîya derûnî
- Kesên ku xwe wekî LGBTÎ+ didin nasîn dikarin xizmetên şêwirmendiyê wergirin.
- Serlêdan li seranserê Tirkiyeyê vekirî ne.
- Kesên ku rasterast an nerasterast ji erdhejê bandor bûne dê li gorî yên din pêşikîya wan hebe.
- Kesên ku 18 salîya xwe temam kirine.
Pêvajo dê çawa bidome?
- Ewilîn divê hûn forma serlêdanê dagirin.
- Kesên ku forma serlêdanê dagirin û şertên serlêdanê pêk bînin dê hevpeyvîneke pêşîn bi wan re bê kirin.
- Kesên ku ji bo xizmeta piştgrîya psîkolojîk serlêdanên wan bên pejirandin piştî hevpeyvînê dê xizmeta wan a piştgirîya psîkolojîk dest pê bike.
- Seans bêheq/bêpere ne.
- Seans dê online pêk bên.
- Dîrokên seansan dê bi biryareke hevpar a di navbera muwekîl û derûnnasan de bên diyarkirin.
- Hejmara seansan wekî 12 seans hatîye diyarkirin.
- Tevlîbûna domdar a seansan girîng e.
Bersiv dê bi rêya e-mailê bê şandin. Ji bîr nekin, di hesabê xwe de e-mail û qutîya spamê kontrol bikin.
Ji bo pirs û agahîyê hûn dikarin bi rêya e-mail info@hevilgbti.org bi me re bikevin têkilîyê.
